AL-UDUL (CANZA TAKALIDI)

AL-UDUL (CANZA TAKALIDI)
Ali Khamenei4

T29: Shin ya halatta mutum ya bar takalidin A'alam cikin fararrun mas'alolin da suka shafi zamani saboda gazawarsa wajen ciro ingantattun hukuncinsu?
A: Idan har shi mukallafi bai so ya yi ihtiyati cikin mas'alar ba, ko kuma ya gagare shi to idan har ya sami wani mujtahidi A'alam wanda yake da fatawa akan mas'alar to wajibi ne a gare shi ya koma gare shi ya yi masa taklidi a cikin mas' alar.
T30: Dangane da juyawa daga daya daga cikin fatawoyin lmam Khumaini (r.a), shin wajibi ne a koma ga fatawar mujtahidin da ya ba da izinin ci gaba da takalidin mamaci? ko kuma ya halatta a koma ga fatawar sauran wasu mujtahidai?

A: A nan wajibi ne a koma ga mujtahidin da ya ba da izinin ci gaba da takalidin mamaci.
T31: Shin canza takalidi (al-udul) daga A'alam zuwa ga wanda ba A'alam ba ya halatta?

A: Uduli a nan ya saba wa ihtiyat, hakika ma dai ba ya halatta a bisa ihtiyat idan har fatawar A'alam din akan mas'alar ta saba wa fatawar wanda ba A'alam ba.
T32: Na kasance na ci gaba da takalidin lmam (r.a) saboda la'akari da fatawar daya daga cikin manyan mujtahidai, to bayan da na yi nazarin amsoshinka cikin "al-lstifta'at" da kuma ra'ayinka kan ci gaba da takalidin lmam Khumaini (r.a), sai na bar wancan na ci gaba da ayyukana dai-dai da fatawoyin lmam (r.a) bugu da kari kan fatawoyinka, shin akwai wata matsala a cikin wannan "udul" nawa?

A: Ba ya halatta a bisa lhtiyat na wajibi canza takalid daga rayayyen mujtahidi zuwa ga wani rayayyen, sai dai idan a ganin mukallafi na biyun ya fi na farkon ilimi kana kuma fatawarsa ta saba wa fatawar na farko, to a wannan halin wajibi ne bisa ihtiyat ya koma ga na biyun.
T33: Wanda ya kasance yana takalidi wa lmam (r.a) kana kuma ya ci gaba da yi masa takalidi (bayan rasuwarsa), shin zai iya komawa ga waninsa na daga cikin maraji'ai cikin wata mas'ala kamar rashin daukar garin Teheran cikin manyan birane ko kuma a'a?

A: Hakan ya halatta a gare shi, ko da yake bai kamata a bar ihtiyat ba wajen ci gaba da taklidin lmam (r.a), idan har yana ganin fifikonsa kan rayayyu.